صاحب المشكله اللي هنتكلم عنها في البوست ده لما بيجيلنا العيادة بيتكلم معانا وبيقولنا: 💭💭
” أنا تعبت اوووووي🤕🤒 ..
أنا كل يوم عند دكتور و كل يوم بعمل إشاعات و فحوصات اااااااد كده 📋🧪…
و بكشف عند كل الدكاتره بجميع التخصصات لحد ما فلوسي خلصت 💸

و المشكله إن كل دكتور بيقوللي التحاليل و الإشاعات سليمة👌 ، مفيش فيها مشكله بس مش بكون واثق أوي في كلام الدكتور ده وبحس برده إن في حاجه بس هو خايف يقوللي 🥺،
أو الدكتور ده مش شاطر فأنا لازم أروح لدكتور أشطر منه ..ولما روحت لدكتور أشطر وأشهر وأغلى منه قاللي برده نفس الكلام بس أنا مش مرتاح حاسس إن في حاجه بس مش عارف إيه هيا “😫😵
الناس ديه لما بتحس بشوية صداع بسيط بتعتقد إنها ممكن يكون عندها سرطان في المخ😯😮 ..

أو لما تحس بشويه وجع في المعدة بتقول أنا عندي التهاب شديد أو ورم في المعدة😯 ..
أو لو كانت سيده فممكن تكون خايفه إنها يجيلها سرطان الثدي فتقعد طول الوقت تفحص منطقه الثدي و تروح كل شويه تعمل فحوصات و إشاعات 😵 ..
أو لو كح كحه بسيطه بيكون معتقد إنه عنده التهاب رئوي أو سرطان في الرئة 😟 !!

من خلال ملاحظتنا للناس اللي بتعاني من المشكله ديه..  فالناس دي للأسف مش عايشين مرتاحين في حياتهم🤯 ..

حايتهم كلها عبارة عن خوووووف و قلق طول الوقت من إنهم يجيلهم مرض عضوي ..و لما يجيلهم هيكون عنده مشكله كبيرة أووووي ممكن توصل إنه يحس حتى لو مرض بسيط لكن بسبب المرض ده ممكن يموت أو يفقد حياته أو هيحصله إعاقة 🤯

ممكن توصله إنه مش هيعرف حتي يدخل الحمام بنفسه أو هيفضل طول الوقت قاعد لوحده علي السرير 🛌..

هي دي الحاجات اللي  بتدور في دماغهم و كل ده بيرعبهم فعشان كده بيكونوا طول الوقت قلقانين و خايفين😧

طب تعالوا نشوف مع بعض إيه تعريف المشكله بتاعت صاحبنا دي 🤔؟

ده بيكون عبارة عن اضطراب نفسي بيخللي صاحبه يقلق علي صحته بشكل مبالغ فيه😰 ، وبيكون عنده إعتقاد راسخ بوجود مرض خطير جدا هيؤدي إلي الوفاة أو الاعاقة رغم عدم وجود دليل طبي ، و بيركز علي أعراض جسمية بيكون ليس لها أساس عضوي عنده 😥

أعراض قلق المرض طبقا الل D S M -5

الانشغال الدائم بوجود أو إكتساب مرض خطير .😓

الأعراض الجسديه غير موجوده ، و لو كان في أعراض جسميه بتكون خفيفه  جدا .و لو كان في تاريخ عائلي موجود ، فالانشغال بخوف حدوث المرض بيكون مفرط جدا أو غير مناسب إطلاقاً  😖

بيكون عنده مستوي عالي من القلق حوالين صحته 😱

تكرار زياره الأطباء أو تجنب زيارة الأطباء علشان خايف يكتشف مرض  أشد أو الطبيب هيكتب علي دواء يسبب ليه مرض اخطر.

طبعا بالاضافة للإشاعات والتحاليل كتير اللي ممكن يعملها ساعتها 😥

طبعا كل ده هيأثر بالسلب علي حياة الشخص ده المهنيه أو الدراسيه أو الاجتماعيه😞😣

صاحبنا بيكون عمل كل الفحوصات و الإشاعات وبيكون مفيش مشكله عضويه .. طب إيه السبب اللي جابله المعاناه دي كلها 🤔؟!😟😟

بيكون اساس المشكله نفسي ، نفسي! 🤔🤔

اه تعالي أقولك ليه سببها نفسي :🧐

1- من ناحية التحليل النفسي :

لما بنتحط في مواقف ضغط بتتطلب تحمل المسؤليه وبيكون الشخص مش قادر يتحمل و يشيل الضغوط ديه ، فبيلجأ لحيلة دفاعيه و هي الهروب 🏃‍♂️🏃‍♂️ بس بشكل لا شعوري🧠، بأنه يبالغ من أعراضه الجسميه و يتوهم المرض عشان يتجنب مواقف الضغط و يتجنب المسئوليات الكتيره اللي بتكون عليه

2- بيكون الشخص عنده قابلية للايحاء بشكل كبير جدااا، فبمجرد إنه يسمع عن مرض حد بيتكلم عنه ، بيقول ااااه أنا بحس بكده أه أنا فعلا بيحصلي كده في حين هو بيكون واخد المعلومة من حد غير مصدر ثقه أو أساء فهم المرض.🙎‍♀️🙎‍♂️

3- الفشل المتكرر في الحياة💔 ، و شعور الفرد بعدم قيمته ، فبيحاول الشخص يلفت الإنتباه و الأنظار و الحصول علي العطف و الاهتمام من خلال المبالغه بأعراضه الجسميه ،
بس زي ماحنا قولنا هو بيكون مش قاصد يعمل كده ولا بيكون واعي للي بيحصل ده .. هو بيعمل ده بشكل غير شعوري وبيكون العقل اللاواعي 🧠هو اللي بيعمل كده .

4- ساعات بنلاقي السبب من زمان أوي وهو خوف الأباء الشديد علي أبنائهم في الطفولة👧👦، فلو إبنهم حس بشويه تعب بسيط 🤕يجروا بيه عند الأطباء.

5- إصابه أحد أفراد الأسرة بمرض خطير ، فبيكون الشخص خايف جدااا بإصابته بنفس المرض

6- الإصابة بمرض خطير في مرحلة الطفولة يمكن إنه يشكله توهمً وخوفً عند الكبر.

7- في بعض الدراسات بتأكد إن معظم الاشخاص اللي بيعانوا من الاضطراب ده بيكون قدرتهم على تحمل الألم أقل من الاشخاص الطبيعية !!

7- وجود أمراض نفسية تانيه عند الشخص بتزيد من خطر توهم المرض، زي: الاكتئاب، الوسواس القهري أو القلق.

طيب إيه المعلومات الإحصائية اللي ليها علاقه بالاضطراب ده 🤔؟

١)عادة بيبدأ ظهوره في سن 14و 15 سنة

٢) نسب ظهوره في الإناث قريبه من الذكور

٣) بيظهر أكتر في فترة الشيخوخه ،علشان يجذب الاهتمام و يلفت الأنظار

٤)الاضطراب ده قليل إنه يحصل عند الاطفال إلا في بعض الحالات زي فقدان الأم أو فقدان الأمان و الاهتمام

طيب إيه الاعتقادات الخاطئة اللي ليها علاقة بالاضطراب ده 🤔؟

١- بيكون الشخص معتقد إن في حد عمله سحر و بيروح عند كتير من الشيوخ و الدجالين عشان يفكوا السحر.. و للأسف صاحب المشكله بيكون قابل للايحاء جدا فساعات بيحس بتحسن جزئي لكن أساس المشكله بيكون نفسي في الأساس

٢- بيكون المريض معتقد إنها مشكله عضويه ولكن هي في الأساس نفسي

طيب إيه مسار و مآل الاضطراب ده 🤔؟

التحسن بيكون أفضل كتير لو الأعراض بتاعت المرض كانت

١) حادة

٢) المستوى المادي والاجتماعي بتاع المريض أفضل

٣) لو ماكانش بيعاني من أي اضطرابات في شخصيته تانيه

٤) ماكانش بيعاني من اضطراب عضوي حقيقي

طيب ازاي نقي نفسنا من الاضطراب ده 🤔؟

1- الوجود في وسط ناس بيحبونا و يقدرونا و بيهتموا بينا و بيوفروا لينا الدعم النفسي

2- عدم الانشغال الزائد بأقل عرض جسدي ، و عدم صرف الكتير من الفلوس علي الدكاتره و الإشاعات و التحاليل بالعكس صرفها في أنشطة رياضيه محببه لينا

3- ممارسة الرياضه علي الأقل 3 مرات في الأسبوع

4- نعلم الأهل يتجنبوا الخوف الزايد علي أبنائهم

5- بلاااااش نسمع معلومات مجهوله المصدر عن الصحه وعن الأمراض

طيب ازاي بنعالج الاضطراب ده في عيادتنا 🤔؟

1- العلاج الدوائي :

خصوصا لو كان معاه أعراض قلق أو اكتئاب وبيتم علاجه ببعض مضادات القلق والاكتئاب ..وفي بعض الأوقات ممكن نحتاج لجرعات قليلة من مضادات الذهان

2- جلسات العلاج النفسي :

١- بيتم التركيز علي كشف الصراعات الداخليه اللي بتكون داخل الشخص و التخلص منها

٢- بنستخدم كتير من فنيات العلاج المعرفي السلوكي زي ..
لو كان الشخص بيحس بالتغيرات الفسيولوجيه بصوره كبيره زي الصداع و الدوخة و حموضة المعدة و زيادة ضربات القلب و ارتفاع صغط الدم، فبنعلمه إنه يدرك التفاعل المتبادل بين النفس و البدن
– بنعلمه إنه يتعرف علي أفكاره و مشاعره و سلوكياته وازاي يتعامل معاها
-بنعلمه ازاي يصحح أفكاره الخاطئة أو المشوهه اللي مأثره علي حياته بالشكل ده
-بنعلمه تمارين الاسترخاء

وفي النهاية ..لو عايز تعرف أكتر عن الاضطراب ده تقدر تتفرج على الفيديو .. و لو بتعاني من المشكلة دي أو أي مشكلة نفسية تانيه تقدر تستفسر من خلال صفحتنا أو تتواصل معانا من خلال أرقامنا أو تزورنا في أقرب فرع من فروع عياداتنا

إعداد : أستاذة / بسنت مجدي

مراجعة : د/حاتم صبري