الشخصية الهيستيرية، عادة دي البنت اللي أول ما تشوفها تلاقيها جذابة جدا في شكلها👱 ولبسها 👚ومكياجها💄 لدرجة تهوسك بيها حتى لو ملامحها مش حلوه أوي بس برده هتجننك وهتموت في دباديبها💑💑 💓💓….
لو قربت منها تكلمها هتلاقي صوتها وأسلوبها مغري جدا لدرجة إنه هيثيرك جنسيا لدرجة كبيرة جدا وبرده هتموت في دباديبها 😍😍 !!!!
في نفس الوقت البنت دي بتبقى مشاعرها سطحية جدا 🙅🙅 !!!
يعني تلاقيها بتحول أي موضوع يقابلها لدراما وحزن جامد أوي لدرجة إنها تصعب عليك وتتألم علشانها وبعد شويه تلاقيها بتضحك ولا في بالها حاجه خالص 😢😂😢😂😢😂😢😂 …
البنت دي مع أي ضغط نفسي تلاقيها تظهر عليها أعراض نفس جسدية يعني تروح المستشفى مشلوله أو مش بتتكلم أو أي أعراض تظهر عليها تخلي كل اللي حواليها يقلقوا عليها ويهتموا بيها ويودوها المستشفى وهيا مشكلتها في نفسيتها 😈😈😈!!!
طبعا كلنا كبني أدمين وخصوصا البنات عندنا جانب هيستيري وده شيء محبب وطبيعي لو كان بنسبة قليلة 😍😍💏💏 ….
الشخصية الهيستيرية Histrionic personality
لكن الطبيعي عند أي بنت مايكونش كل هدفها في الحياه إنها تثير أي ذكر حواليها عن طريق المظهر 👗👚،
ولو مانفعش يبقى بأسلوب الكلام المغري💣💣، لو مانفعش يبقى عن طريق إثارته بمواضيع وصور تثير رغبته وتخليه يركع ليها 💑💑
لو مانفعش ماعندهاش مشكله إنها تسلم جسمها لعلاقة كاملة المهم إنه يتجنن عليها وتثير إهتمامه
وهيكون متعتها مش في العلاقة لكن في جذب اهتمامه وبعد ماتخليه يحبها ترميه
وتشوف حد تاني مكانه لانها مابتقدرش تكمل في علاقه واحده فتره طويله 😕😕!!
لو اتكلمنا عن الموضوع بطريقه علميه شويه فهنلاقي إن الجمعية الأمريكية للطب النفسي بتعرّف اضطراب الشخصية الهستيرية
(HPD) على إنه اضطراب في الشخصية بيتميز بنمط متعمق من الانفعالات الشديده اللي بيكون هدفها جذب الاهتمام ، سواء عن طريق الإغواء غير المناسب أو الرغبة الكبيره جواهم علشان يحصلوا على الطمأنه أو القبول أو الاعجاب من الأشخاص اللي حواليهم . . وبيكونوا ضعفاء تجاه أي مؤثر بيتعرضوا له ومش بيقدروا يستحملوا الاحباط وقت طويل 😫
كمان بيكون عند الأشخاص دول سلوكيات إثارة جنسية 💃..
طيب ايه أعراض اضطراب الشخصية الهيستيرية ؟؟ 🤔
- سلوك استعراضي وده ممكن نلاقيه في اللبس والميك اب اللافت للانتباه جداً💋
- بيتكلم بصوره مفرطه من غير تفاصيل ذات قيمه
- مظهرهم وسلوكهم بيكون غير لائق وده لان بيكون ليه طابع جنسي💃👯♀️ ورغم كده فعلاقاتهم الجنسيه بتتفاوت بين إنهم ممكن يبقوا محترفات دعاره أو ممكن يبقوا أشخاص ماعندهمش أي احتياج أو خبره جنسيه !!
- دايما بنلاقي الأشخاص المصابين بالاضطراب ده بتكون أفعالهم فيها دراما كتير ودايما بيبالغوا في عواطفهم وسلوكياتهم وبيكونوا حابين يعيشوا دور الضحيه 😇.. 😭😭 .
- السعي المستمر والشوق المستمر والاحتياج الشديد لجذب الانتباه واحساس الطمأنة والتقدير من كل اللي حواليه 🤩.. ومش بيستريحوا الا لما يكونوا محور اهتمام اللي حواليهم 💃..
- اللي حواليهم بيشوفهم سطحيين ومش حقيقيين ..
- بيحبوا يكونوا صداقات سريعه لكنها بتكون سطحيه .. وللأسف كتير بيتفهموا غلط 👯♂️
- في علاقتهم بالجنس الآخر بيحاولوا يسيطروا عليه في علاقه اعتماديه ورغم ذلك في أوقات كتير بيكونوا رومانسيين 🥰..
- بيكونوا فاكرين إن العلاقات اللي هما فيها أكتر حميمية من اللي هي عليه في الحقيقة❤️😍💗
- حكمهم على الأمور مش عميق وبيكون معتمد على التخمينات السطحيه
- حساسية زايدة ومفرطة لو حد انتقدهم أو رفضهم 🤕🤕
- التمركز حوالين ذاتهم و الانغماس فيها 🙇♀️
الشخصية الهيستيرية
- الأشخاص دول بيكون عندهم كبرياء بشخصيتهم ومعندهمش رغبة في التغيير، دول ممكن يشوفوا كمان أي تغيير على إنه مؤشر تهديد أو خطر ⚓️⚓️
- بيكون عندهم قابليه كبيره للإيحاء … وده ممكن يخليهم يشتكوا من أعراض قلق وأعراض هيستيريه أو نفسجسميه أو ممكن بيستخدموا الأعراض الجسدية المفتعلة عشان يجذبوا انتباه اللي حواليهم 🤮🤒😵
- الأشخاص دول معندهمش قدرة على تحمل الاحباط أو تأخر المكسب 😫😫
- بيكون عندهم تحول سريع في الحالة العاطفية وده اللي بيخليه يظهر قدام الناس إنه شخص سطحي أو مبالغ فيه😂🤣😇🥲😭😭
- السلوك المتلاعب المستمر لتحقيق احتياجاتهم الخاصة.
- اتخاذ قرارات متهوره 🤭 وإلقاء اللوم عالناس في حالات الاحباط أو الإخفاقات شخصية 🤨
- التأثر القوي بالناس وبإقتراحاتهم خصوصاً الناس اللي بتعاملهم كويس 🧐
- الأشخاص دول دراميين جداً 😫
- مش بيهتموا بالأمور العميقه والفلسفيه لكن خيالهم بيكون رائع …
- بيتعاملوا مع صاحب السلطه إنه ممكن يقدم ليهم حلول سحريه !!
- بعض الأشخاص مع التقدم في العمر بيغيروا أسلوبهم في الإغواء لأسلوب أكتر أمومة أو أبوية 👨👩👦
طيب ايه مسار ومآل الإضطراب ده ؟؟ 🤔
عادة الاضطراب ده بيبدأ يظهر من أخر مرحلة الطفوله وبداية المراهقه 👧..
عادة الأشخاص المصابين باضطراب الشخصية الهستيرية بيكون أداءهم عالي على المستوى الاجتماعي والمهني ، وده لإنهم بيكون عندهم مهارات اجتماعية كويسة .. لكن للأسف بيستعملوها للتلاعب بالآخرين وده اللي بيأثر على علاقتهم في المدى البعيد
للأسف بسبب الأعراض دي الأشخاص دول مش بيقدروا يحافظوا على العلاقات الحميميه طويلة المدى وده اللي بيخلليهم يتعرضوا للإنفصال العاطفي أو الطلاق مرات كتيره 💍..
كمان الأشخاص المصابين باضطراب الشخصية الهستيرية غالباً بيفشلوا إنهم يشوفوا نفسهم ووضعهم الشخصي بصورة واقعية وده لإنهم معظم الوقت عايشين في تضخيم ودراما لمعظم الصعوبات اللي بتواجههم. 📢
كمان الأشخاص دول ممكن نلاقيهم بيغيروا وظايف كتير وده لأنهم بيصابوا بالملل بسهولة وبيفضلوا الاستسلام للإحباط بدل مواجهته 😶. بيكونوا ميالين للرغبة في التجديد والإثارة، وممكن ده يخليهم يحطوا نفسهم في مواقف خطيرة.🎢
من المؤكد مع كل العوامل اللي فاتت دي إن الأشخاص دول ممكن يظهر عندهم اضطرابات نفسيه كتير زي القلق والاكتئاب والهيستيريا التحوليه والاضطرابات النفس جسميه 🔮.
معلومات إحصائيه عن اضطراب الشخصية الهيستيرية ؟؟🤔
1. إصابة النساء باضطراب الشخصية الهستيرية أكثر من الرجال.
2. بعض الأبحاث بتقول إنه بيحصل في حوالي 2-3٪ من عامة السكان
طيب ايه أسباب حدوث الاضطراب ده ؟؟ 🤔
زي معظم اضطرابات الشخصيه .. الاضطراب ده بيكون ليه أسباب كتير
1. جينيه🧬 : ساعات بيكون في عامل وراثي لحدوث اضطراب الشخصية الهيستيرية
2. بيولوجيه : بسبب اختلال في بعض النواقل العصبيه زي معظم اضطراب الشخصيات الدراميه
3. عوامل أسريه 👨👩👧👧 : وده بيكون بسبب اختلال في العلاقه بينه وبين وأحد الوالدين من الطفوله المبكره
4. عوامل نفسيه 👶:
عادة الاضطراب ده بيحصل بسبب إحساس الشخص بإنه لايستحق الحب الغير مشروط في حياته وده نتيجه لمواقف كتيره اتعرض ليها من الطفوله
طيب ازاي بيتم علاج الاضطراب ده ؟؟ 🤔
للأسف الأشخاص دول مش بيكونوا شايفين إن عندهم مشكله في حاجه وده لإنهم شايفين إنهم بيقدروا ياخدوا حقهم في الحياه بمظهرهم وشكلهم وبيعرفوا يستغلوا الناس كويس وشايفين إن دي ميزه فيهم مش عيب !!
وعلاجهم بينقسم لجزئين
١- علاج دوائي💊 :- وده بيكون على حسب الأعراض اللي ظاهره عليهم وعلى حسب هل بيعانوا من اكتئاب أو ادمان أو بيعانوا من اضطرابات نفسيه تانيه ولا لا
٢- علاج نفسي📝:-
واللي بيتم من خلاله التحدث مع الشخص والتعاطف معاه واعطاء له إحساس الأبوه والأمومه اللي اتحرم منهم..
بالإضافة إننا نوجد طريقة لوقف سلوك الشخص الغير مناسب من خلال بعض العلاجات السلوكيه بنبدأ نعرف الأشخاص دول حقيقة شعورهم من خلال بعض العلاجات الديناميه
بجانب اكسابة مهارات وأفكار جديدة إيجابية تساعده علي التكيف في حياته بشكل سليم وده بيكون من خلال العلاج المعرفي السلوكي 💪
وفي النهاية ..لوعايز تعرف أكتر عن الاضطراب ده تقدر تتفرج على الفيديو .. ولو بتعاني من المشكلة دي أو حد عزيز عليك بيعاني من الاضطراب ده تقدر تستفسر من خلال صفحتنا أو تتواصل معانا من خلال أرقامنا أو تزورنا في أقرب فرع ليك من فروع عياداتنا .
مراجعة : د / حاتم صبري
0 تعليق