أنا حصلي موقف معين: اتصرف ازاي ؟ طب أخد رد فعل إيه؟ 🤔
- طب البس إيه؟ 👕
- طب أكل إيه؟ 🍔
- طب أخرج فين؟ 🚕
- طب أدرس إيه وأتخصص في إيه؟ 📚
- طب أشتغل في إيه ؟ 🤔👨🎓
و في كل حاجه بيتعرض ليها مش بيعرف يأخد قرار لوحده دايماً بيسأل اللي حواليه ، وعاوزك تكون جنبه طول الوقت وما تسبهوش لوحده أبداً !!😇
عارفين شخصية حماده عزو؟؟
هو ده بقي المثال الحي للشخصية دي 😀
الشخص ده ميعرفش وميقدرش يأخد قرار بنفسه، ودايماً معتمد علي اللي حواليه حتي مايعرفش يأخد قرار مصيري في حياته🤷♀️،و بيقي محتاج حد يمشيه! 🚶♂️
وكمان بيتجنب تحمل المسئولية في البيت و في الدراسة وفي الشغل وبيعتمد علي اللي حواليه 🏘📚🚕👨🎓، ومش بيعرف يحل مشاكله ودايماً بيتكل علي اللي حواليه علشان يحلها له. دايماً ماشي بمبدأ في تعامله مع الناس (أنا من إيديك ديه لإيدك ديه)🤷♂️
ده الشخص اللي بسببه بيجي بنات كتيرة بتقول أنا مش مرتاحه معاه في العلاقة ، ده إبن أمه ، مفيش قرار بيأخد بنفسه لازم مامته تأخده القرار😤
طيب يعني ايه شخصيه اعتماديه ؟؟🤔
ده عباره عن نمط متعمق من المقاومه السلبيه والتأجيل والعناد ونقص الكفاءه بيكون موجود عند الشخص اللي عنده اضطراب الشخصيه دي 🙃..
بسبب النمط ده من سلوكيات الشخص عادة الأشخاص دول بيفسدوا مجهود الاخرين لما يكونوا موجودين في جماعه وده لإنهم مش بيؤدوا الجزء المكلفين بيه ..
للأسف بيستثاروا جدا الأشخاص دول لما يتطلب منهم حاجه مش عايزينها .. وبيفضلوا يحتجوا ويرفضوا أي اقتراح مفيد .. وبينتقدوا السلطه ويرفضوا مطالبها ..
وللأسف مش بيكونوا معترفين إن سلوكهم هو سبب مشاكلهم اللي هيتعامل مع الشخص ده هيلاقيه:
1- شخص مش واثق بنفسه وتقديره لذاته منخفض جداااااا … ودايماً بيشوف نفسه قليل وأنه ميقدرش يعمل أي حاجه وماعندهوش القدرة إنه يعمل حاجه اصلاً 😟
2- مش بيعرف يأخد قرار لوحده دايماً بيسأل كل الناس عشان ميحملش نفسه مسئوليه آي قرار بيأخده.😎 الشخص ده مش بيكون مبسوط ولا سعيد في حياته لان كل قراراته بتكون نابعه من إختيار الآخرين من أصغر قرار لأكبر قرار سواء في لبسه أو في دراسته أو تخصصه في الشغل أو حتي في إختيار شريك(ة) الحياة ، فالقرار بيكون مش نابع من جواه.💔
4- شخص تقريباً معظم تصرفاته طفولية مش مناسبة لسنه، ولما بيتعرض لآي موقف ضغط حتي لو بسيط يفضل يعيط ، عياط هستيري !! في حين الموقف مايستدعيش العياط أصلاً 😭
5- بيكون خايف طول الوقت أنه يخسر اللي بيثق فيهم لإنه بيحس إنه من غيرهم ما يسواش حاجه.💔
6- بيحتاج الدعم و التطمين دايماً من الأخرين👩❤️👩
7- بيميل إلي السلبية و التشاؤم في نظرته لأمور الحياة 😩.و مش بيقدر يقول “لا” في أمور من حقه يقول فيها “لا” عشان ميفقدش الناس اللي حواليه. –
(لحظة بص 🤠
كلنا عندنا جانب إعتمادي في شخصيتنا بس مش لدرجة حماده عزو اللي ميقدرش لا يروح ولا يجي من غير مشورة حد
تعالوا نشوف المعايير اللي من خلالها بنشخص اضطراب الشخصية الاعتمادية لما يزورنا في عياداتنا ؟؟
علي حسب
DSM-5
لازم يتوفر (5) أعراض علي الاقل من المعايير ده، عشان نقدر نشخص الاضطراب ده :🤓
1- عدم القدرة علي إتخاذ القرارات حتي القرارات اليومية البسيطة دون أخذ نصائح الاخرين.
1- عدم القدرة علي إتخاذ القرارات حتي القرارات اليومية البسيطة دون أخذ نصائح الاخرين. مثلا البس ايه بكره؟ اتغدا ايه بكره؟ اروح المشوار ده ازاي ؟ ادخل علمي ولا ادبي؟ ادخل كلية هندسة ولافنون جميلة؟ اشتغل الشغل ده ولا ده؟ اتجوز البنت ديه ولا لاءه؟
2- يحتاج الاخرين في تولي المسئولية بالنسبة لمعظم المجالات الرئيسية في حياته. زي مثلا الزوج بيعتمد علي زوجته في كل أمور حياتهم، فهي بتكون مسئولة عن اختيار و شراء كل الأشياء في البيت، و هي المسئوله عن انها تختار مدرسة الاولاد و هي المسئوله انها تودي الاولاد النادي و هي اللي بتشتغل و بتصرف علي البيت أصلا🥺
3- بيخاف يقول رأيه أو يعترض علي آراء الاخرين خوفاً من فقدان دعمهم له.😟
4- عدم القدرة علي انه يبدأ في اي مشروع أو العمل بشكل مستقل ( بسبب فقدان الثقة بنفسه في قدراته مش بسبب الدافع أو النشاط).
5- يعمل كل اللي في وسعه علشان يحصل على الدعم و الرعاية من الاخرين و بيجي علي حساب نفسه عشان الاخرين.
6- بيحس بالخنقة والضيق وعدم الراحة لما بيكون لوحده حتي لو لفتره بسيطة.
7- بيكون عاوز يدخل في علاقة بسرعة مع شخص بيكون مصدر للرعاية و الدعم لما تنتهي علاقة وثيقة.
8- الخوف الدائم من تخلي الأشخاص المقربين عنه
حبة معلومات إحصائية عن الاضطراب ده:
نسبة انتشاره حوالي 2%. بيظهر عند النساء أكثر من الرجال، وتظهر أعراضه في بداية سن الرشد. طب ممكن يكون إيه السبب اللي يخلي الانسان شخص إعتمادي
1- استعداد وراثي : حد من الأبوين شخصيته أصلاً إعتمادية.
2- التنشئة الاجتماعية:
أ- الاهل عندهم حماية زائدة علي أبنائهم لدرجه حرموا إنهم الابن يأخد قرار بنفسه حتي لو قرار بسيط زي إنه يختار لبسه مثلاً😞
ب- أو الأهل عندهم حرية زائدة فبتكون كل طلبات إبنهم مُجابه لدرجة ان الإبن مابقاش عنده القدرة علي الإعتماد علي نفسه😞
طب ازاي نتعامل مع الشخصية الاعتمادية:🤠
كلامي الأول هيكون للأهل: 🤠 – علموا أولادكم وهما في فترة الطفولة علي تحمل المسئولية زي مثلا انه يربط رُباط الكوتشي لوحده أو يغسل طبقه بعد الأكل 🧒
– سيبوهم يأخدوا قراراتهم بنفسهم سواء قرار كبير أو صغير زي مثلا يختار لبسه ، يختار صحابه، يختار تخصص في الدراسة ( علمي أو أدبي) ، يختار شغله ، يختار شريكة حياته.
طيب لو ليا صديق إعتمادي أو شريكة حياتي شخصية إعتمادية اتعامل ازاي معاهم ؟؟🤔
دورك انك تشجعه و تخليه يأخد قرار لوحده و تخليه يتحمل بعض المسئوليات في حياته زي مثلا الزوج يخلي مراته تتحمل مسئولية شراء طلبات البيت بالنيابة عنه😉
وللأسف التعامل مع شخصية إعتمادية بيكون محتاج صبر حتي يعتمد علي نفسه. ونصيحتي ليك لو الشخص ده ماعندهوش الرغبة في التغير ” اهرب🏃♂️ من العلاقة ديه و بلاش تلعب معاه دور المنقذ .
هو هيفضل طول الوقت هيتعبك و هيستنفز طاقتك و مجهودك و فكرك و مشاعرك ، هايكون عامل في علاقته معاك زي الطفل الصغير دايماً بيطلب و مش هيشبع و دايماً أنت اللي هتدي فيها و بس ،و من غير ما تاخد أي حاجة”
– العلاج : بيكون عن طريق :
1- العلاج الدوائي: 💊 للأسف لحد الآن مفيش أدوية لعلاج الاضطراب ده و لكن العلاج الدوائي بيكون للأعراض المصاحبه للاضطراب زي الاكتئاب أو القلق.
2- العلاج النفسي:
- – بنشتغل معاه علي تنمية الثقة بالنفس . وإنه يحب نفسه❤️
- – بنعلمه يتحمل المسئولية و بنبدأ عن طريق إنه يتحمل المسئوليه في حاجات بسيطة في الاول💪.
- – بنعلمه إنه ياخد قرار بنفسه دون الاعتماد علي الاخرين💪.
- – بندربه علي فن إدارة العلاقات و الذكاء العاطفي و الاجتماعي مع الاخرين.👩❤️👨
- – يمارس هواياته المفضلة بمفرده.🤸♀️
- – بنعلمه إنه يعبر علي مشاعره بدون الخوف من نقد الاخرين له 🔥.
- – بنعلمه يقول “لا” في المواقف اللي من حقه فيها إنه يرفض. و بنعلمه مايجيش علي حساب نفسه عشان الناس 🤫.
- – بنعلمه عدم التعلق بالاخرين وعدم الخوف من الفقد 👩👩👦.
وفي النهاية ..لوعايز تعرف أكتر عن الاضطراب ده تقدر تتفرج على الفيديو .. ولو بتعاني من المشكلة دي أو حد عزيز عليك بيعاني من الاضطراب ده تقدر تستفسر من خلال صفحتنا أو تتواصل معانا من خلال أرقامنا أو تزورنا في أقرب فرع ليك من فروع عياداتنا .
إقراء المزيد: سرعة القذف عند الرجال
مراجعة : د / حاتم صبري
0 تعليق