في أوقات كتير بتقابلنا في عيادتنا سيدات بتعانى وقت ماتحصل علاقة جنسية من تقلص فى المهبل سواء كان إراديآ أو غير لا إراديآ 🙆🏼‍♀️..

والتقلصات دي بتخلي منطقة المهبل والحوض بتكون قافشه أوي زي مابيقولوا ومستحيل إن يتم اختراقها عن طريق قضيب الراجل ..وساعات كمان التقلصات بتاخد منطقة الظهر كمان أو حتى جسمها كله يقفش ويتقلص 😱 🥺

الست اللي بتعاني من المشكلة دي بيكون عندها خوف مستمر من الألم الجنسي 😱 وللأسف ده بيوصل بيها بعد كدا إن بيبقى عندها خوف كمان من الجنس عمومآ 😳 وده اللي بيخليها بعد كده تتعقد ياعيني وتتجنب أي نشاط جنسي🚶 و بيتزامن حدوثة مع الإيلاج 😖

➡️حبة معلومات مهمه علي السريع ؟؟!🤭

•  عادة مشكلة التشنج المهبلي دي بتحصل مع الإيلاج في العلاقة😖
• التشنجات المهبلية أوقات كتير بيكون رد فعل للقلق😱

التشنج المهبلي

التشنج المهبلي

✅ طيب محتاجين نعرف إيه هي أسباب المشكلة دي ؟؟!🤔

• طبعا أهم سبب هو السبب النفسي بمعنى إن بيكون فى ساعتها قلق أو توتر أو خوف أو اكتئاب 🥺
• ممكن يكون في عند الست تركيز على النفس بشكل مبالغ فية وبصورة كبيرة و سلبية أثناء العلاقة ( يعني مش شايفه نفسها أو جسمها إنه حلو أو إنها فخورة بيه لكنها بتكون مكسوفة منه )
• بيكون عندها خوف عميق من العلاقة الجنسية نفسها
• إن يكون عندها نفور من الشريك وده ممكن يكون بسبب مشكلة أو بسبب تراكم استياءات من الشريك ومشاعر حزن منه
• ممكن تكون تمت العلاقة الجنسية وخصوصا في البدايات تحت إجبار من الشريك😩
• ممكن تكون إتعرضت لخبرة سيئة او سوء استغلال جنسي فى مراحل الطفولة 🙆🏼‍♀️
• عندها عدم الشعور بالإمان فى العلاقة الجنسية أو حتى العلاقة الزوجية ⭕ وطبعا مش محتاجين نقول إن الموضوع ده لو استمر فترة طويلة فبيكون ليه أثر سلبي ملحوظ على العلاقة بين الزوجين.👉

✅ طبعآ ناس كتير هتسأل دلوقتي .. هل مع كل دا هيكون في علاج بقي للمشكلة دي ؟؟؟!🤔

اه طبعا في علاج والحمد لله في أنواع كتير فعالة ومن انواع العلاج المستخدم فى علاج التشنجات المهبلية👇

• العلاج الدوائى وده بيكون من خلال بعض الأدوية المطمئنة واللي بتهدي القلق والتوتر بصورة كبيرة 👏👏
• العلاج المعرفى السلوكى ” وده علشان نقلل من الأفكار السلبيه ناحية العلاقة الجنسية , ونزود المشاعر الايجابية ناحيتها
• تمارين العضلات وتمرينات الاسترخاء 🧎🥰
• العلاج الزواجى علشان ندعم الاتصال والتواصل بين الزوجين
• نقلل حدة القلق من خلال التعرض التدريجى والمنظم لجوانب مثيرة للقلق من الموقف الجنسي.
• التركيز المدرك بالحواس 👀👂👃👋ودي بتكون مرحلة مهمه جدااا في العلاج 👉 وهى مرحلة اكتشاف مراكز الادراك الحسي🤭 ..

هنا بيتعلم كل فرد من الزوجين الأول لوحده ازاي يتعرف علي جسمه وجميع أجزاء جسمه ويبتدي يستكشف إحساسه بجسمه ولكن من غير ما يلمس أعضاؤه التناسليه فى البداية .. والطريقه دي بتساعد في انها تكشف عن أفكار الشخص السلبيه عن جسمه ويبتدي يتعرف عليها وساعات للأسف بنكتشف من خلالها عدم رضا السيدة عن جسمها كله وده اللي بيكون السبب في حدوث المشكلة 🤦🏼‍♀️,

وفي النهاية … لو حابب تعرف أكتر عن الموضوع تقدر تتفرج على الفيديو .. ولو بتعاني من المشكلة دي أو أي مشكلة نفسية أو جنسية أخرى تقدر تتواصل معانا من خلال صفحتنا وأرقامنا أو تقدر تزورنا في أقرب فرع من فروع عياداتنا  👏👏

مراجعة : د / حاتم صبري

إقرأ ايضا: سرعة القذف عند الرجال

صفحتنا ع الفيس