الإنتحار suicide

يناير 11, 2022 | الاضطرابات النفسية

الإنتحار

موسوعة الطب النفسي

الفصام .. schizophrania

الفصام : schizophrania

الاكتئاب depression

الاكتئاب : depression

ثنائي القطب Bipolar

 ثنائي القطب : Bipolar

الفصام .. schizophrania

اضطراب الهلع : panic disorder

الرهاب المحدد

الرهاب المحدد : specific phobia

الفصام .. schizophrania

الرهاب الإجتماعي: social phobia

الوسواس القهرى

الوسواس القهرى : O.C.D

هوس نتف الشعر

هوس نتف الشعر : Trichotillomania

الضغط العصبي الحاد

الضغط العصبي الحاد : Acute stress disorder

الفصام .. schizophrania

فقدان الذاكرة النفسي أو النسيان الإنشقاقي Dissociative Amnesia

كرب مابعد الصدمة

كرب مابعد الصدمة : P.T.S.D

النوم واضطراباته

النوم واضطراباته : sleep disorder

الفصام .. schizophrania

تعدد الشخصيات : Dissociative Identity

الأمراض الجسديه لأسباب نفسيه

الأمراض الجسديه لأسباب نفسيه

قلق المرض

قلق المرض : illness anxiety disorder

إضطراب التحول

إضطراب التحول Conversion Disorders

فقدان الشهية العصابي

فقدان الشهية العصابي : Anorexia nervosa

الإضطرابات الجنسية

الإضطرابات الجنسية : sexual disorders

إضطراب الهوية الجنسية

إضطراب الهوية الجنسية : gender identity disorder

الانحرافات الجنسية

الانحرافات الجنسية : paraphilias (sexual deviations)

اضطرابات الشخصية

اضطرابات الشخصية :PERSONALITY DISORDERS

الشخصية الحدية

الشخصية الحدية : borderline personality

الإنتحار

الإنتحار : suicide

إيذاء الذات

إيذاء الذات :self harm

الزهايمر

الزهايمر : Alzheimer

الخمور والكحوليات

الإدمان : addiction

إضطراب التحول

التوحد : autism

اختبار الذكاء

(اختبار الذكاء I Q)

نقص الإنتباه وفرط الحركة

ADHD: نقص الإنتباه وفرط الحركة

صعوبات التعلم

صعوبات التعلم : learning disabilities

التبول الليلي

التبول الليلي

صعوبات التعلم

القلق عند الأطفال

صعوبات التعلم

سلوكيات أطفالنا السيئة

التبول الليلي

إضطرابات نفسية أخرى عند الأطفال

الفصام .. schizophrania

اضطراب السلوك عند المراهقين : Conduct disorder

صعوبات التعلم

العلاج المعرفي السلوكي : C B T

الفصام .. schizophrania

 القلق العام : (GAD) GENERALIZED ANXIETY

إضطراب الجسد المُشوَّه

إضطراب الجسد المُشوَّه : Body Dysmorphic Disorder

اضطراب الاختزان

اضطراب الاختزان : Hoarding Disorder

الإنتحار المشكله اللي هنتكلم عنها بقت للأسف منتشره جدا في الفتره الاخيرة ديه بشكل محزن أووووي 💔💔

بقينا كل يوم والتاني بنصحي علي خبر شباب أو بنات انتحروا وخبرهم ينتشر زي النار في الهشيم على وسائل التواصل الاجتماعي 🙀!!

مرة نلاقي شاب ينتحر من أعلى برج القاهرة أو واحد تاني من فوق أي عمارة .. ومرة تانيه نصحي علي خبر انتحار فتاه او شاب عن طريق إنهم يرموا نفسهم قدام القطر أوالمترو 💔

لما بنيجي نحلل الرسايل اللي بيسبوهالنا الأشخاص دول قبل ماياخدوا قرار انتحارهم وانتقالهم للعالم الاخر .. ولما نيجي نحلل كلام الناس المحيطة بيهم طول فتره استعدادهم للانتحار هنلاقيهم كانوا بيقولوا 💭:

“أنا مش حابب أتعامل مع الناس☹️ .. الإنتحار

دايما حاسس إني عبء عليهم عشان كده أنا بحب أنعزل عن كل الناس ..

أنا بحب اقعد لوحدي و بحب طول اليوم أقعد في الظلمة😓 .

أو أنا أصلا مش طايق حياتي ومش شايف حاجه حلوة فيها ..

أو انا شايف كل حاجه سودا في حياتي حتى مش شايف ولا ميزه واحده فيها ..

أو أنا كل حياتي غلط ..

أو أنا عاوز أموت بقي و اخلص من الحياة ديه 💔!!

أنا خلااااااص تعبت .. أنا هنتحر عشان أرتاح بقي.. فقررت أهرب من كل حاجه بإني أنتحر 💔💔

” للأسف الشخص اللي مقرر ينتحر هو بيكون بقاله فتره كبيرة بيستعد لخطوة زي ديه في حياته واحنا مش واخدين بالنا ..

بنلاقيه بيخطط هيستخدم إيه عشان يموت بيه نفسه ؟؟

يعني ممكن تلاقيه بيشتري سلاح أو بيبدأ يجيب الأدويه السامة اللي هيموت نفسه بيها ..

أو يروح المكان اللي بيخطط إنه هينط منه زي لو كان برج عالي أو يرمي نفسه في البحر أو كده !!

كل الحاجات دي بتحصل قدامنا من غير ماناخد بالنا .. لحد مايجي يوم ونكتشف فجأة إنه انتحر ومات 😭😱!!

 

 

طيب يعني إيه انتحار طبقا لمعايير الطب النفسي 🤔؟؟

الانتحار كلمة معناها هو إنهاء الشخص لحياته عن قصد 😱😇

طب إيه الاسباب اللي ممكن تخلي حد يقرر يتجاهل غريزة الحياة اللي عندنا كلنا ..ويقرر ينهي حياته بالشكل ده 🤔 ؟؟

1) الاكتئاب الجسيم : وده ممكن يؤدي لكده خصوصا لو كان سبب الاكتئاب هو تعرض الشخص للضغوطات دي ..

– الازمات المالية : بيكون الشخص عليه ديون كتير و مصاريف كتيرة المفروض يدفعها زي مصاريف إيجار البيت و مصاريف مدارس الأولاد ..
أو مثلا عليه شيكات وديون مستحيل يقدر يسددها ..وعارف إنها ممكن تخليه يفقد شيء مهم في حياته أو هتأدي بيه إنه يخش السجن فترة طويلة وهكذا .. فبيقرر يتخلص من الضغط الشديد ده اللي عليه من خلال الانتحار 🤷‍♂️ 🤦‍♂️!!

– خسارة العمل: بعد ما كان الشخص ليه دخل ثابت كل شهر وقادر يحقق ذاته من خلال العمل فجأه يخسر شغله ومش بيكون متوقع إن هيبقى ليه شغل بنفس المستوى ..فبيقرر يتخلص من الضغط الشديد ده اللي عليه من خلال الانتحار 🤦‍♂️ !!

– الخلافات الاسرية: الشخص اللي بيقرر ينتحر بتكون أسرته فيه خناقات كتيرة أوووي بينه و بين الأهل ..أو الأهل مع بعض زي الخلافات اللي بتكون بين الأم و الأب أو انفصال الأهل أو الاهمال في التربية.. فبيقرر يتخلص من الضغط الشديد ده اللي عليه من خلال الانتحار

– الخلافات العاطفيه : اللي بتكون بينه و بين شريك الحياه وبتوصل بيه لدرجة إنه يحس إنه هيخسر شريك حياته ده ومش بيكون عارف يتخيل الحياة بدونه 💔..فبيقرر يتخلص من الضغط الشديد ده اللي عليه من خلال الانتحار


– 
الفشل المتكرر في الدراسه .. وخصوصا ضغط المدرسين أو أساتذه الجامعه علي الطلاب 😭😭.. ده بيولد جواه إحساس إن ثقته في نفسه قليلة جدا .. فبيقرر يتخلص من الضغط الشديد ده اللي عليه من خلال الانتحار

– فقدان الأمل الشديد و اليأس في كل حاجه في حياته

2) الادمان : لاحظوا إن ٢٥٪؜ من المنتحرين كانوا مدمنين

3) بيعاني من مرض نفسي كبير زي الفصام 😱

4) الاضطرابات النفسية اللي بعد الولادة

5) يعاني من اضطرابات في الشخصية زي الشخصية الحدية أو المضادة للمجتمع وخصوصا في حالة وجود اندفاعية

6) بيعاني من مرض عضوي كبير زي السرطان أو الايدز ..أو إنه يفقد أحد أعضاؤه 😭


7) ساعات الموضوع بيبقى ليه سبب وراثي وبيكون أكتر في بعض الأسر

 

طيب إيه الاعراض اللي بتظهر على الشخص اللي مقرر الانتحار 🤔؟؟

1- فقدان الحماس والمتعه واللذه اللي بتكون في الحياه

2- العزله وتجنب الناس ودايما بيحس كأنه عبء علي الاخرين

3- الاحساس باليأس والاختناق بشكل لا يطاق

4- كثرة النوم/ قله النوم

5- الاحساس بالغربة

 

 

طيب إيه الإحصائيات اللي ليها علاقة بحوادث الانتحار 🤔 ؟؟

1- الانتحار هو السبب الرئيسي الثاني لوفاة الاشخاص بين عمر 15 سنة و 39 سنة 🙀

2- هو السبب الثامن للوفاة بين كل الاشياء اللي بتودي بحياة الانسان

3- أكثر من ٩٠ ٪؜ من المنتحرين بيكون عندهم اضطراب نفسي ومااتعالجوش منه 😱 !!

4- نسبة الانتحار الفعلي للذكور أعلي من الإناث ..رغم إن معدل محاولات الانتحار في الاناث أعلي بكثير من الذكور .. وده عشان الذكور بيستخدموا أدوا ت أو اساليب عنيفه بتجيب من الأخر علي عكس الاناث 😳

5- بيزداد إحتمالية حدوث الانتحار كلما تقدم العمر بالشخص

6- يزداد إحتمالية الانتحار عند غير المتزوجين والمطلقين والأرامل

7- نسبة الانتحار أعلى في الحضر عن الريف

8- يزداد احتمالية حدوثه عند الاشخاص غير المهرة في عملهم

 

تعالوا نشوف أكثر الأسلحة أو الأشياء اللي بيستخدمها المنتحر في الأنتحار :

💥 1- الشنق⛓️ و ده من اكتر الأساليب اللي بيستخدموها في الأنتحار ، من حيث النسب الأحصائية بتكون حوالي 53% من الذكور بيستخدموا الشنق و 39% من الأناث

2- الأسلحة النارية : بتكون أكثر شيوعاً الي حد ما في الذكور أكثر من الأناث حيث نسبة الوفيات في أمريكا بتصل الي 80% – 90% . و بتكون النسبة عالية اوووي كده عشان أمريكا سامحه بعدد كبير من سكانها بإمتلاك الأسلحة النارية.

3- الغرق 🏊‍♂️: بيرمي الشخص نفسه في البحر حيث بتصل نسبة الوفيات فيها حوالي 65% – 80%

4- السقوط من عُلو :بيرمي الشخص نفسه من أعلي برج أو من أعلي قمة جبل مثلا، بحيث تصل نسبة الوفيات حوالي 35% – 60%

5- إحراق الجسم💥💥: بيقوم الشخص بإشعال النار في جسمه، و بتكون من أكثر الطرق المؤلمة للنفس.

6- السم القاتل : 🧪ديه بتكون منشرة أكتر في النساء بتناول جرعات كبيرة من السم.

7- تناول جرعة زايدة من الأدوية : 💊💊💉 و بتصل نسبة الوفيات فيها 5’1 – 4%

8- تعاطي جرعات زايدة من المخدرات💊💊 : وبتصل نسبة الوفيات للنساء حوالي 60% و الذكور حوالي 30%.

 

طيب إيه الاعتقادات الخاطئة اللي بتكون حوالين الشخص المنتحر 🤔؟؟

1- الناس اللي بتكون حوالين الشخص بيكونوا معتقدين بإنه عاوز يموت بس في الحقيقه الشخص عاوز يتخلص من آلامه مش من الحياه .😣😞

2- الناس بيكونوا معتقدين بردوا إن الكلام عن الانتحار أو السؤال عنه مع شخص ما هيزرع في دماغه فكرة الانتحار فهيقدم عليها ..بس ده مش صح ..الشخص المنتحر هو بيكون مقرر بينه و بين نفسه من غير ما حد يقوله مش مسنتي الأوامر من حد

3- بيقولوا عن المنتحر ده شخص مات كافر رغم إن مش من حقنا كبشر إننا نحكم على مصير حد خصوصا إننا مانعرفش الحالة النفسية اللي كان فيها ولا كان حاسس بإيه أو بيفكر في إيه وقت إقدامه على الانتحار😤

في نظريات كتيرة فسرت الإنتحار بس انا هنتكلم معاكم عن عالم كبير فسر ظاهرة الإنتحار في ضوء المجتمع: و هو إميل دور كايم 👨‍💼 وهو عالم فرنسي ، و متخصص في علم الأجتماع .🧐

إميل دور كايم كان مهتم إنه يوضح التباين في معدلات الأنتحار ، و ليه مجموعة معينة بتكون أعلي من مجموعة تانيه في معدل الأنتحار ؟؟!!!
. دوركايم حاول يثبت إن ظاهرة الأنتحار ليها أسباب إجتماعية ،و إن البيئة الاجتماعية المحيطة بالشخص هي التي تسبب الأنتحار .🧐

وقسم إميل دور كايم الانتحار الي 4 أنواع:

1- الانتحار الأناني: بيكون موجود في المجتمعات اللي بيكون الشخص مش مندمج في الحياة الأجتماعية بيكون عايش منعزل و وحيد و ملهوش أي علاقة بالجماعة ولا بالناس اللي عايش معاهم. 💔 وده بسبب تقدم الحياة و المجتمع الصناعي اللي أتفرض علينا . حتي معدلات الانتحار في إنجلترا ضعف معدلات الانتحار في إيطاليا عشان كانت إنجلترا أكثر تقدماً من إيطاليا.

2- الانتحار الإيثاري: و ده بيكون علي عكس الانتحار الأناني عشان بيكون الاندماج في المجتمع بين الافراد كبير جدااااااا ❤️ ولما الجماعة بتنتحر ده بيكون نوع من أنواع الواجب . زي جماعة “جيم جونز” و ديه كانت في إمريكا و جيم جونز كان اعتبر نفسه المسيح ، و قاد الجماعة بأنهم ينتحروا عن طريق تناول السم و بالفعل 900 شخص و بينهم أطفال انتحروا بسبب انهم أجبروا علي ذلك. زي بردوا القادة المشهورين بيقتلوا أنفسهم لما بيتعرضوا لهزيمة. في النوع ده بتكون الإحتياجات الفردية أقل أهمية من إحتياجات المجتمع ككل، المصلحة الفردية لا تعتبر مهمة

3- الانتحاري اللامعياري (التفككي): بيكون المجتمع في الوقت ده بيشهد تغيرات كتيرة جدااا فبينتج الي تفكك المجتمع و بتنعدم الضوابط و القوانين اللي كانت بتنظم المجتمع. و ممكن التغيرات ديه تكون إيجابية زي الانتعاش الاقتصادي !!
اااه الأنتعاش الأقتصادي حاجه حلوة بس ممكن يأثر بالسلب زي مثلا لما يحصل نجاح إقتصادي بيخلي الفرد يترك شغله و بيكون حابب يروح مجتمع جديد و ممكن يتجوز زوجة جديدة . ده بيخليه يتحرر من القيود الخارجية و بيكون الشخص عبد لشهواته ، فعشان كده بيكون شايف إميل دور كايم إنهم بيقوموا بسلسلة واسعة من التصرفات المدمرة بتوصل لقتل النفس . و ممكن تكون سلبية زي الكساد الاقتصادي : إغلاق المصانع و الشركات و فقدان الوظيفة و في تلك الحالتين سواء كانت إيجابية او سلبية فبتزيد معدلات الانتحار.

4- الانتحار القدري : بيفضل الشخص الانتحار عشان بتكون ضوابط المجتمع شديدة اوووي و زيادة أوي عن اللزوم زي الطبقات الفقيرة اووووي و زي العبيد زمان اللي كانوا بيقرروا بأنهم ينتحروا عشان بيكون مش شايف أي أمل في مستقبله

الإنتحار طيب إيه مسار و مآل المشكلة دي 🤔؟؟

-الموضوع في البداية بيبدأ بأفكار يأس و إحباط من خلال العلاج و الجلسات النفسية بيتم التحسن بشكل سريع
-إنما لو فضلنا شويه كتيرررر في التفكير في الموت و كمان عملنا محاولات انتحاريه هنا لازم ندخل مستشفي للعلاج النفسي في الحال

– كمان بتزيد احتمالية حدوث الانتحار لو الشخص المنتحر عامل خطة .. حاول قبل كده ينتحر .. وجود قلق أو اكتئاب ..الكلام كتير عن الانتحار ..توفر الوسيلة ..تحضير نفسه عن طريق وداعه للاخرين وترك رسائل ليهم ..الهدوء اللي يظهر عليه بعد فترة توتر كبيرة كأنه حسم أمره ..تاريخ أسري للانتحار .. التحسن المفاجئ دون مبررات ..العزلة .. البطالة ..ضعف الصحة .. وجود اضطراب نفسي مزمن

 

طيب ازاي نقي نفسنا من الأفكار الانتحارية 🤔؟؟ الإنتحار

1) مهم نحافظ علي حياتنا ونبعد نفسنا عن أي مخاطر وتصرفات متهورة عشان منوصلش لمرحله زي ديه

2) أول مانحس بأي ضغط نفسي مانكابرش ونلجأ لطبيب نفسي نطلب منه المساعدة

3) نقرب من اشخاص كتير بيحبونا و يقدروا يوفروا لينا الدعم النفسي اللازم

4) مانبنيش سعادتنا ومستقبلنا على حاجه واحدة بس

5) لو الطبيب قال نتحجز في المستشفى يبقى لازم نتحجز

6) ممارسه رياضه او انشطه محببه

طيب ازاي بنعالج شخص ما عنده أفكار انتحارية 🤔؟؟

العلاج الدوائي لـ الإنتحار:

1) بنستخدم بعض الادوية المضادة للاكتئاب بحذر شديد

2) بنستخدم بعض مثبطات المزاج على حسب الحالة وبعض مضادات الذهان 👍

3) هنكررها تاني ..لو الدكتور قال نتحجز في مستشفى يبقى لازم نتحجز .. دي حياة ابننا 🤕

العلاج النفسي لـ الإنتحار:

1) العلاج النفسي التدعيمي

2) العلاج المعرفي السلوكي : واللي بنتعلم من خلاله ازاي نحل مشاكلنا في الحياة و ازاي نتكيف مع ظروف الحياة و بنساعده انه يحط هدف في حياته ، و يكون ليه دافعيه تجاه هدفه ، بنعلمه ازاي يتعامل مع الافكار السلبيه

3) العلاج الجدلي السلوكي وبيكون مفيد جدا مع بعض الحالات بصورة كبيرة

وفي النهاية ..لو حابب تعرف أكتر عن الإنتحار والمشكله دي تقدر تتفرج على الفيديو .. و لو بتعاني من المشكلة دي أو أي مشكلة نفسية أخرى تقدر تتواصل معانا من خلال صفحة العيادات أو تقدر تتصل بينا من خلال تليفوناتنا وتزورنا في أقرب فرع ليك من فروع عيادتنا 😊

إعداد : أستاذة / بسنت مجدي

مراجعة : د /حاتم صبري

l

كلمات بحث

0 تعليق

إرسال تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

كلمات دلالية

موسوعة الطب النفسي

الفصام .. schizophrania

الفصام : schizophrania

الاكتئاب depression

الاكتئاب : depression

ثنائي القطب Bipolar

 ثنائي القطب : Bipolar

الفصام .. schizophrania

اضطراب الهلع : panic disorder

الرهاب المحدد

الرهاب المحدد : specific phobia

الفصام .. schizophrania

الرهاب الإجتماعي: social phobia

الوسواس القهرى

الوسواس القهرى : O.C.D

هوس نتف الشعر

هوس نتف الشعر : Trichotillomania

الضغط العصبي الحاد

الضغط العصبي الحاد : Acute stress disorder

الفصام .. schizophrania

فقدان الذاكرة النفسي أو النسيان الإنشقاقي Dissociative Amnesia

كرب مابعد الصدمة

كرب مابعد الصدمة : P.T.S.D

النوم واضطراباته

النوم واضطراباته : sleep disorder

الفصام .. schizophrania

تعدد الشخصيات : Dissociative Identity

الأمراض الجسديه لأسباب نفسيه

الأمراض الجسديه لأسباب نفسيه

قلق المرض

قلق المرض : illness anxiety disorder

إضطراب التحول

إضطراب التحول Conversion Disorders

فقدان الشهية العصابي

فقدان الشهية العصابي : Anorexia nervosa

الإضطرابات الجنسية

الإضطرابات الجنسية : sexual disorders

إضطراب الهوية الجنسية

إضطراب الهوية الجنسية : gender identity disorder

الانحرافات الجنسية

الانحرافات الجنسية : paraphilias (sexual deviations)

اضطرابات الشخصية

اضطرابات الشخصية :PERSONALITY DISORDERS

الشخصية الحدية

الشخصية الحدية : borderline personality

الإنتحار

الإنتحار : suicide

إيذاء الذات

إيذاء الذات :self harm

الزهايمر

الزهايمر : Alzheimer

الخمور والكحوليات

الإدمان : addiction

إضطراب التحول

التوحد : autism

اختبار الذكاء

(اختبار الذكاء I Q)

نقص الإنتباه وفرط الحركة

ADHD: نقص الإنتباه وفرط الحركة

صعوبات التعلم

صعوبات التعلم : learning disabilities

التبول الليلي

التبول الليلي

صعوبات التعلم

القلق عند الأطفال

صعوبات التعلم

سلوكيات أطفالنا السيئة

التبول الليلي

إضطرابات نفسية أخرى عند الأطفال

الفصام .. schizophrania

اضطراب السلوك عند المراهقين : Conduct disorder

صعوبات التعلم

العلاج المعرفي السلوكي : C B T

الفصام .. schizophrania

 القلق العام : (GAD) GENERALIZED ANXIETY

إضطراب الجسد المُشوَّه

إضطراب الجسد المُشوَّه : Body Dysmorphic Disorder

اضطراب الاختزان

اضطراب الاختزان : Hoarding Disorder