‎
موضوع النهارده هو اضطراب الهوية الجنسية … ‏‎

طيب يعني إيه الاضطراب ده ؟؟ ‏‎

عشان ماحدش يتلخبط هوضحلكم كل حاجه في الموضوع ده وبشكل مبسط خاالص .. ☺️  ‏‎
في البداية كده انتشر كتير السنين اللي فاتت في كل الدول الاجنبية والعربية بما فيهم مصرعمليات التحويل الجنسي ‏‎
بقينا بنشوف كتير ولاد بتتصرف كأنها بنت وتحط ميكاب وشعر 🤷🏻‍♀️وكل حاجة ليها علاقة بالبنات !! ‏‎
وبنلاقي العكس في بنات بتتصرف زي الولد بالظبط🕺وبتلبس
لبس الولاد وكل حاجة ليها علاقة بالولد حتي ممكن طبقة صوتها تخشن شوية زي الولد🙄!! ‏‎
ودا طبعا في معظم المجتمعات وبالاخص مجتمعاتنا الشرقية بيشوفهم إنهم ناس شاذة في المجتمع🚷

طب مبدئيا كده …
تفتكروا إيه اللي يخللي حد مايحبش جنسه سواء ولد أو بنت ويقرر يتحول لجنس أخر غير فطرته الجسدية ؟!!
كل ده وأكتر هنعرفه مع بعض بالتفصيل دلوقتي .. وهنشوف مع بعض الأسباب اللي ممكن تخللي شخص يقرر يغير من جنسه ويعمل كده في نفسه

في البداية كده لازم نعرف إن أي إنسان في الدنيا سواء ذكر او أنثي بيكون في تناسق بين الإسم الموجود في البطاقة وبين هويتة الجنسية ..
بمعني أنا أنثي🙆🏼‍♀️ وبيان على شكلي إن موجود فيه كل إمكانيات الأنثي ☺️ فده هيخليني أكون مقتنعه بده وكمان هكون متقبلة و حابه شكلي وحابة كل معالم
الإنوثة اللي عندي زي ما بيقولوا 💅😄 ‏‎

ولو أنا ولد 🙍 ويبان علي شكلي إني ولد وموجود فيا كل معالم وإمكانيات الذكورة 😃..هكون برده حابب كمان نوع
جنسي ومقتنع كمان بكل معالم الذكورة اللي عندي ومتقبلها وفخور بيها ☺️ ‏‎
ده معناه إن في تناسق بين جنسي سواء ولد أو بنت و بين شكلي .. وفي تناسق بين الدور الجنسي اللي بقوم به لو كنت بنت وبين التصرفات اللي بحب اعملها واللي بتبان للناس إني بنت وكمان بتبان لنفسي إني بنت .. ‏‎
لحد كدا مافيش مشكلة 🤚 ‏‎
لكن لما ابتدي أحس إن في تناقض بين جنسي (الموجود علي البطاقة )وبين هويتي الجنسية أو ابتدي أحس إني مش حاسة إني بنت مع إن أنا بنت وشكلي بنت ..وابتدي احس إني حابه أكون ولد أكتر !!
والعكس لو أنا ولد وابتدي أحس اني بميل أكتر إني أكون بنت واحب اتصرف زيهم أكتر .. وابتدي اعيش في تناقض بين الإسم الموجود ع البطاقة وبين شعورى ناحية الجنس دا 😩
لا وكمان يبان من تصرفاتي إن في تناقض والناس تلاحظ دا إني مثلا شكلي بنت 🙆🏼‍♀️لكن لبسي وتصرفاتي وطريقة كلامي واهتمامتي تبين إني ولد🙍 والعكس طبعآ ..
هنا يبقى في مشكلة 🥺👉 ‏‎كدا بيكون عندي اضطراب اسمه (اضطراب الهوية الجنسية)🧐

‏‎

محتاجين نعرف في الاول يعني إيه دوري الجنسي👇 ‏؟؟
‎
ده معناه إن كل حاجه بقولها وبعملها وتبان للناس وتبان لنفسي إني ولد أو بنت 👌 ‏‎

كام ملحوظة مهمه علي السريع 🧐 ‏‎

اضطراب الهوية الجنسية ممكن يكون خفيف بمعني إن الشخص ممكن يكون عارف إنه ولد أو العكس بنت لكن في نفس الوقت مش حاسس إنه مرتاح ناحية جنسه.. يعني لو ولد مش هيحس إنه مرتاح إنه ولد🙍 ولو بنت مش هتحس إنها مرتاحه إنها بنت🙆🏼‍♀️ ‏‎
ساعات بقى الاضطراب يكون للأسف شديد ودا اللي بنشوفه في حالات التحول الجنسي 🙄.. وهنا الشخص مش بس بيكون مش مرتاح إنه اتولد ولد أو العكس ..لا وكمان بيبتدي يحس إنه عاوز يبقي الجنس الأخر ..وحاسس إنه بينتمي للجنس الأخر ..يعني لو بنت تبتدي تحس إنها ولد وعاوزه تبقي
ولد ونلاقيها بتتصرف زي الولد بالظبط🕺 استايل ولد وبتلبس لبس الولاد وكل حاجة ليها علاقة بالولد حتي ممكن طبقة صوتها تخشن شوية زي الولد🙄 ..ولو ولد بنلاقيه يحط ميكب وشعر 🤷🏻‍♀️وكل حاجة ليها علاقة بالبنات💄😅 )
‏‎
بالرغم من كل ده لكن يعتبر اضطراب الهوية الجنسية اضطراب نادر جدا . ‏
‎
لازم نفرق عشان مايختلطش بينا الأمر بينه وبين ظواهر تانيه بتكون منتشره وبنلاحظها في المجتمع ونقول بقي إن ده عنده اضطراب هوية جنسية 😅😏 .. ‏‎
زي مثلا الشخص اللي بيحس إنه مش كفؤ في الحاجات اللي بتتطلب منه واللي بتتناسب مع دوره سواء ولد او بنت ‏‎
أو الشخص اللي بيحس إنه مش جذاب كولد أو كبنت جنسيا

‎حبة معلومات مهمه ومحتاجين نعرفها عن اضطراب الهوية الجنسية ؟!!

‏‎◾بيبدأ الاضطراب دا في الطفوله ونادر لو كانت بداية ظهوره في الكبر.
‏‎◾بينتشر أكتر الاضطراب دا في الأولاد 🙍 عن البنات.
‏‎◾بينتشر في الولاد (1:30 )والبنات(1:6) ‏‎
فكدا الولاد بيكونوا أكثر عرضه للاضطراب دا رغم إن الناس ممكن تكون متوقعه إن بيحصل أكتر في البنات لإن البنت مش بتاخد حقها الاجتماعي بصورة كبيره زي الولاد 🙍😩 ‏‎

محتاجبن نعرف طبعآ إيه هي أسباب الاضطراب ده؟!!🤔 ‏‎

بعض التفسيرات بترمي الموضوع على بعض العوامل البيولوجية اللي بتحصل قبل ما الشخص يتولد .. وبيقولوا إن بيحصل نقص في إفراز هرمونات الأندروجين قبل الولاده وهو الهرمون المسؤل عن الذكوره ، وبالنسبه للأنثي بيكون في نقص في إفراز الهرمونات الأنثوية قبل الولاده 🙆🏼‍♀️ ‏‎

العوامل النفسية الاجتماعية ‏‎
الطفل بيكتب هويته الجنسية من الطفولة ومن خلال التربية اللي بيقوم بيها الوالدين ..بمعني من خلال تعامل الأب أو الأم وتفاعلهم وتصرفاتهم مع الطفل ودي هتساعده إنه يعرف هو هويته إيه ودوره إيه وكل دا بيتعلمه الولد أو البنت من الطفوله ..
يعني الولد هنلاقي الأب أو الأم بيتعاملوا معاه علي أساس إنه بنت وكل التصرفات والتعامل علي أساس إنه بنت ..هنا بقى هيحصل خلل بين نوعه إنه ولد وبين دوره الجنسي اللي بيتصرف بيه وهو دور البنت وطبعا دا من طرق التربية الجنسية الغير صحيحه
واللي لازم ناخد بالنا منها في التعامل مع أبنائنا🤚 ‏‎

مهم جد آ نعرف أنواع اضطراب الهوية الجنسية👇‏؟؟‎

النوع الاول ( المتحول ) :

بيكون الشخص البالغ مش حاسس إنه مرتاح لجنسه سواء ولد أو بنت وحاسس إنه مش مناسب ليه ..
🙆🏼‍♀️ ‏‎وهتلاقيه علي طول بيفكر إزاي يتخلص من أعضائه  الجنسية دي سواء الأولية زي القضيب عن الراجل أو الثانوية زي شعر صدره مثلا وهي دي أكتر حاجة شاغله تفكيره طول الوقت🤔 ..
لا وكمان هنلاقيه بيحاول يعمل الحاجات اللي بيعملها الجنس التاني .. يعني لو بنت هنلاقيها بتحاول تقلد الرجاله🙍🕺 في كلامهم ومشيتهم ولبسهم وممكن كمان في نبرة صوتهم .. وهنلاقيها بتقوم بكل الأنشطه🤼🏋️⛹️ اللي بتعملها الرجاله وكل ما تبص لأعضائها الجنسيه هتبصلها باشمئزاز وقرف 😩!! ‏‎ولو ولد 🙍هنلاقيه بيلبس لبس البنات👯 ويحط روج💄 أو💅يمشي زي البنات💃 وهيكون قرفان من أعضائه الجنسية 😩
وهيبتدوا يفكروا إنهم يطلبو إعادة تحديد لجنسهم عن طريق الهرمونات والعمليات الجراحيه . ‏‎
وطبعا مع وجود كل اللغبطة دي فأكيد هتحصل معاهم أعراض نفسية زي القلق أو الاكتئاب ..
لأنه للأسف بيكون عايش في صراع مع المجتمع بسبب رفض المجتمع لتصرفاته اللي بيشوف إنها شاذه وده بيخلليه مش عارف يعيش بالشكل اللي هو حابه 🥺 ‏‎

ملحوظه مهمه جدا علي السريع لازم ناخد بالنا منها 👇 ‏‎

بداية الاضطراب ده بتكون من الطفوله لكن مابيكونش واضح لأسرته ولا لأصدقائه لكن هو بس اللي حاسس إن في مشكله في هويته الجنسيه وإنه مش حاببها ومش بيصرح أبدا لأي حد ..لكن لما بيدخل في المراهقة أو ممكن في بداية الر شد بيبتدي يصرح بالأفكار دي وبيعبر عن مشاعره إنه مش حابب جنسه وإنه بيميل😳 للجنس التاني ، ‏‎

معلومات مهمه 👇‏‎

بيتم تحويل جنس المريض ده من خلال أساليب طبيه وطرق علاج متنوعه من ضمنها العلاج الهرموني اللي بيزود هرمونات الجنس اللي عايز يحوله بصورة منتظمة ..
كمان بيعملوا جراحة تحولية لتغيير الجنس للنوع التاني (زي مثلآ. استئصال القضيب. وعمل مهبل في حالات الذكور، أو استئصال الثديين وعمل قضيب في حالات الأنثي .😳 ‏‎

في ناس كتير هتسأل هو الاضطراب دا بيكون ليه علاج علي كده ؟!!🤔

‏‎ العلاج مع النوع دا من الاضطرابات بيكون فيه تقييم نفسي للشخص ده في الأول عشان نعرف. هل موجود عنده مرض نفسي مصاحب أو لا؟
فممكن يكون عنده الفصام أو اضطراب الشخصيه الحديه أو اكتئاب وبيكون العلاج النفسي هنا مفيد جدآ مع الحالات دي …
لكن للأسف🥺 مافيش علاج نفسي. محدد يخللي الشخص اللي عنده اضطراب التحول الجنسي🙄 يرضي عن جسمه وعن شكله وعن أعضائه الجنسية‏‎
لكن ساعات العلاج النفسي التحليلي طويل المدي ودا بيكون لهدف إعادة تركيب الشخصية بيكون مفيد مع الحالات دي .

‏‎➡️ملحوظه مهمه عشان عمليات التحول الجنسي الجراحيه مافيش رجعه فيها عشان كدا في شوية احتياطيات لازم ناخد
بالنا منها 👌👇 ‏‎
بنطلب من الشخص إنه يحاول يتعايش لمدة ثلاث شهور لسنه كفرد من الجنس الاخر لأن ممكن بالتعايش يقرر يغير رأيه. ‏‎
بنديله علاج هرموني لمدة عشان تحصل تغيرات في جسمة تخليه زي الجنس الأخر . ‏ا

النوع الثاني : الغير المتحول ‏‎

هنا الشخص بيكون حاسس بعدم الارتياح لجسمه وبشكل متكرر أحيانا ..وبنلاقيه بيلبس ملابس الجنس الاخر..
لو ولد بيلبس🙆🏼‍♀️ لبس البنات ولو بنت بتلبس لبس الولاد 🙍 وبيظهر للناس باللبس الغير مناسب لجنسه ..وممكن يكون طريقته كلامه كمان مش مناسبه ، سواء دا بيحصل في الواقع أو في خيال الشخص ،
بس بيكون الفرق بينه وبين النوع الأول إن الشخص ده مش بيفكر يتخلص من أعضائه الجنسيه نهائي .. سواء كانت الأوليه أو الثانويه واللي بتميز جنسه ..
لكن برغم كدا بيصاحب الاضطراب ده برده أعراض قلق أو توتر أو خنقه أو اكتئاب بس الأعراض دي بتقل لما يلبس ملابس الجنس الاخر 😊 ‏‎

حبة معلومات مهمه علي السريع🧐👌 ‏‎

يبدأ الاضطراب دا في أغلب الحالات. قبل سن البلوغ. وممكن يسبب الاضطراب دا مشاكل كتير من ضمنها مشاكل أسرية بسبب عدم تفهم الأسرة للمعاناه اللي بيعانيها المريض .وعدم تقبلهم من الأساس لمشكلته. ‏‎

حبة معلومات مهمه علي السريع ؟!😎 ‏

‎بالرغم إن نسبة انتشار الاضطراب دا مش معروفه لكنه منتشر بصوره أكبر من اضطراب التحول الجنسي لا وكمان منتشر بصوره أكبر بين الذكور
‏‎

✅ مهم جدا نعرف علاج النوع دا من الاضطراب وأكيد ناس كتير هتسأل إيه علاجه بقي ؟؟؟!🤌😁 ‏

علاج النوع دا من الاضطراب بيكون جلسات العلاج النفسي طويل المدى .. وده لإنه بيساعد علي إزالة الصراع. الداخلي. وعلاج رفض الشخص لجنسه .. وكمان بيساعد إنه يعدل الصور الداخليه المتكونة عنده لنماذج الذكور أو الاناث🤚😊

وفي النهاية … لو بتعاني من المشكله دي أو أي مشكله نفسيه أو جنسيه تانية تقدرتستفسر من خلال صفحتنا أو تتواصل معانا من خلال أرقامنا أو تزورنا في أقرب فرع ليك  👏👏

إعداد : أستاذة / حنان محمد

مراجعة: د / حاتم صبري