اضطراب عسر الجماع للأسف بيجيلنا العيادة كتير من السيدات بتعانى من الألم وبشكل متكرر وممكن يكون مزمن 😓

وبيحصل الآلم ده دايمآ أثناء الممارسة الجنسية😖
ده ساعات كمان ممكن يكون في أوقات مافيش فيها ممارسة جنسية 🤷🏻‍♀️ ..
وعادة  بتشتكى الست من الألم فى أماكن مختلفة 🙄 زي مثلآ منطقة الحوض عندها أو المهبل 🥺

اضطراب عسر الجماع

✅ حبة معلومات مهمه عن المشكلة ؟🧐

• بالرغم من إنه مرض شائع ومؤلم إلا إن للأسف نسبة كبيرة من الستات لا بيشتكوا من الأعراض دي ولا حتي بيدوروا على علاج ليها ..ودا طبعآ بسبب الإحراج من إنهم يتكلموا فى أمور زي دي 🤫🤷🏻‍♀️.
•  على المستوى العلاجى بنلاقي إن معظم الستات اللي بتعانى من عسر الجماع بتعانى كمان من قلة عدد مرات الجماع وإنخفاض فى معدل الرغبة الجنسية والمتعة والإثارة عندهم وده طبعا بيأثر على علاقتهم الزوجية بصورة كبيرة 🤦🏼‍♀️☹️.
•  كتير من الستات دي ساعات الموضوع بيوصل بيها إنه بيبقى صعب تقعد حتى على الكرسي 🥺 فترة طويلة أو مثلا تقدر تركب عجلة فترة كبيرة.

✅ طيب ايه السبب اللي ممكن يوصل المرأة لمشكلة زي دي ؟؟

• ممكن يكون عندها أسباب عضوية زي مثلا .. عدوى فطرية أو اضطرابات فى الهرمونات أو عوامل وراثية 🙆🏼‍♀️.
•  ممكن يكون السبب نفسي زي مثلآ :انها إتعرضت لسوء استغلال جنسي فى مراحل الطفولة 😖.
• في اسباب خاصة بالعلاقة مع الشريك زي مثلا : بتعانى من كثرة الخناق بينها وبين زوجها وضغوطات أسرية🤷🏻‍♀️.
•  ممكن يكون عندها بعض أخطاء التفكير المتعلقة بالعلاقة الجنسية مثلا زي عيب وغلط نتكلم في الحاجات دي 🤫.

✅ طبعآ ناس كتير هتسأل دلوقتي .. هل مع كل ده هيكون في علاج بقي للمشكلة دي ؟؟؟!🤔

اه طبعا في علاج والحمد لله في أنواع كتير فعالة ومن أنواع العلاج المستخدم فى علاج عسر الجماع 👇

• العلاج الدوائى وده بيكون من خلال بعض الأدوية المطمئنة واللي بتهدي القلق والتوتر بصورة كبيرة 👏👏
• العلاج المعرفى السلوكى ” وده علشان نقلل من الأفكار السلبيه ناحية العلاقة الجنسية، ونزود المشاعر الايجابية ناحيتها
• تمارين العضلات وتمرينات الاسترخاء 🧎🥰
• العلاج الزواجى علشان ندعم الاتصال والتواصل بين الزوجين
• نقلل حدة القلق من خلال التعرض التدريجى والمنظم لجوانب مثيرة للقلق من الموقف الجنسي.
• التركيز المدرك بالحواس 👀👂👃👋ودي بتكون مرحلة مهمه جدااا في العلاج 👉 وهى مرحلة اكتشاف مراكز الإدراك الحسي🤭 .. هنا بيتعلم كل فرد من الزوجين الأول لوحده ازاي يتعرف علي جسمه وجميع أجزاء جسمه ويبتدي يستكشف إحساسه بجسمه ولكن من غير ما يلمس أعضاؤه التناسليه فى البداية .. والطريقه دي بتساعد في انها تكشف عن أفكار الشخص السلبيه عن جسمه ويبتدي يتعرف عليها وساعات للأسف بنكتشف من خلالها عدم رضا السيدة عن جسمها كله وده اللي بيكون السبب في حدوث المشكلة 🤦🏼‍♀️,
• مرحلة اكتشاف مراكز الادراك الجنسي : وفي النوع دا من العلاج بنعمل نفس التدريب السابق ..لكن هنا بيسمح للطرفين بالتلاقى بالاعضاء الجنسية 💑 , لكننا بنمنع الجماع👉 الجنسي، وبيكون التلامس على أساس (أعطى لتأخد😃) وتبدأ المداعبات☺️ واكتشاف الأماكن الحساسة الجنسية فى كل من الطرفين🙊 .. و بتختلف من فرد الى اخر، وبيساعد التدريب دا في إزالة كل👈 العوائق واقتراب الطرفين💑 من بعضهما ولكن من غير القيام بالعملية الجنسية😃✋

وفي النهاية … لو حابب تعرف أكتر عن الموضوع ده تقدر تتفرج على الفيديو .. ولو بتعاني من المشكلة دي أو أي مشكلة نفسية أو جنسية أخرى تقدر تتواصل معانا من خلال صفحتنا وأرقامنا أو تقدر تزورنا في أقرب فرع من فروع عياداتنا  👏👏

اضطراب عسر الجماع

مراجعة : د / حاتم صبري

إقراء أيضا:

• سرعة القذف عند الرجال
• التشنج المهبلي
• الرهاب المحدد

صفحتنا ع الفيس